عواكيس
الي متي يابوالعواكيس ونواف العابد مايعرف مصلحه نفسه ولايقدر موهبته والي متي واداره الهلال صابره والضحيه جماهير الزعيم لازم تكون صارمه في القرار وتجمده الي نهايه الموسم
- وين يجمدونه فيه مالهم الا القطب الشمالي؟!
بودي ان تنقل مني ومن عشاق الليث تحيه والف حمدالله علي السلامه لحارس مرمانا العملاق وليد عبدالله بعد اصابته امام نفط طهران مايشوف شر ابوخالد وان شاء الله يرجع بقوه
- سلامه الكابتن وليد لكن انت شايف الزاويه تحيه وسلام!
* قاهرهم وحابس دمهم ابوالعواكيس
وش ذا المهنيه عند القناه تصدق برنامج ثلاث حلقات ضيوفه مشجعي نادي واحد لا وكلهم متعصبين وهمهم المنافس انا ودي اعرف وين المسؤول والي متي تستمر ذا المهازل
عبدالعزيز السعد - حي الازدهار
- اصلا هو فيه احد يطالعها ولا داري عنها؟!
* الحبيب معوكس ماتلاحظ ان الجائزتين اللي حصل عليها نادي الهلال والكابتن سامي الجابر في دبي لاحس ولاخبر لواللي ماخذها فريق ثانٍ وش تتوقع
- الله لايوريك ان تشوفها علي الشريط الاخباري في الcnn!
* صاحب المليون رساله ابوالعواكيس
اقول يا زين ذا الاصلع ادريان ياعنك انه نجم سلم لي علي اللي عين الخبير اللي شار عليه وياحظ العالمي فيه وليتهم يجددون له عشر سنوات
عاشق العالمي -ابوسعود- حي اشبيليا
- ولاتنسي اللي كنه لوحه بيكاسو كله شخاميط!
ودي اسالك اذا سمحت لي سؤال شخصي وين تبي تقضي اجازه الربيع شكلها مع ذا الجو في ربوع بلادي ولاناوي لك نيه ياصديقي
نواف الصيخان - حي الفلاح
- اكيد بر بلادي مابين التنهات والصمان وروضه نوره!
*الاجمل والاملح ابوالعواكيس وش رايك في النصر العالمي قدام بيروزي الايراني ياهو فريق قوه مدمره حارس ودفاع ووسط يصنع ويدافع وهجوم ناري يعني
- يعني راح فيها الاهلي بكرا والتتويج مايحتاج تقرير الدفاع المدني!
هل برايك مايحدث من صدام وتراشق اعلامي بين اتحاد الكره والجمعيه العموميه ظاهره صحيه وان زياره وفد الفيفا هي رويتينيه ولايوجد ملاحظات علي الاتحاد
- اما رويتينيه كثر منها والوفد حاجرهم في عز القايله وخذ يا سين .. جيم!
* الناقد الجماهيري معوكس ودي اعرف ليه نواف العابد تخلف عن بعثه الهلإل ألمغادره لايران خاصه ان مصادرك قويه وتجيب العلم
حمد الدوسري - ابومبارك - العزيزيه
-قريب وتعرف في فتره الانتقالات الصيفيه و"عزيز" وغالي!
