عواكيس
* عزيزي معوكس تحيه طيبه وبعد: بودي ان اسالك وش السر في تالق الحارس الشبابي وليد عبدالله بصراحه عيني عليه بارده نجم ولا كل النجوم وفعلا اذا قالوا الحارس نصف الفريق؟
- والله اللي اعرفه ان اخويانه وخاصه ابوالجوهره يدعمونه مع الشورت حق بوفون!
* قاهرهم وحابس دمهم ابوالعواكيس ياخي وش ذا الشخصيه الضعيفه لمدرب الهلال الروماني ريجي اللي سالم الدوسري وعزيز يتلاعبون باعصابنا ومستواهم في انحدار ومع ذلك ضامنينها مع الفريق وين مبدا الثواب والعقاب؟
- ووين الاداره ما بين السياحه وصكات البلوت!
* الحبيب ابوالعواكيس تحيه محبه وتقدير وبعد: ماعندك خبر عن الحارس مبروك زايد وين الدنيا به مره اختفي عسي المانع خير تتوقع لو ترك العميد وين وجهته في فتره التسجيل الشتويه؟
- وين ظنك .. يعني برشلونه حده منتخب سدير!
* صاحب المليون رساله ابوالعواكيس تحيه طيبه وبعد: ياخوي وش ذا البرد اللي يكسر العظام ظنك من الرابح هالايام؟
- اللي يبيعون الفرا والخلاقين الثقيله!
* عزيزي معوكس تحيه لك من الساحل الغربي وبعد: ماعندك حل لنجمنا الشاب فهد المولد مهاره وموهبه وسرعه لكن مشكلته ما يركز راسه في الارض والا منه انطلق مايرده الا الكورنيش؟
عاشق العميد - ابولما - جده
- الكورنيش قريب الا ما عنه وعن طلعه كرا!
* الغالي خفيف الدم عكوسي اشوف اتحاد الكره طنش بعض الملاقيف اللي اعترضوا علي تدريب الروماني كوزمين للمنتخب ياهي فشيله مابعدها فشيله يعني بزعمهم غيورين ولاحريصين علي المنتخب؟
- لاغيورين ولاحريصين يمكن الماضي لاعب لعبته في روسهم!
* عزيزي معوكس تحيه طيبه وبعد: ما تلاحظ ان بعض التصاريح اكل عليها الدهر وشرب وماعاد تنفع في زمن الاحتراف والاعلام الجديد ولم يعد ينفع لا رجل خفي ولا رجل ظاهر وياليت تختفي؟
- الحكي وش عندك في الميدان ياحميدان؟!
* الاجمل والاملح معوكس تحيه طيبه وبعد: تتوقع تصدق اداره الشباب وماينتقل المهاجم نايف هزازي لفريق ثاني في الفتره الشتويه المقبله ولا النفي هدفه امتصاص غضب جماهير الليث؟
- ياخوفي ينشوف في اخر المسلسل بنسجل ونسجل!
* عزيزي معوكس تحيه طيبه وبعد: اشوف اللاعب المعتزل المطرود بعد حشر نفسه والرجال معترض بعد علي التعاقد مع كوزمين مدربا للمنتخب هذا وش حله ياتري؟
- ماحدن دري عنه هو واعتراضه متنبي زمانه!
* الغالي معوكس تحيه طيبه وبعد: علي اللي حاصل في الهلال ماتشوف يابوالعواكيس ان اداراه الكره مالها اي دور ولا لك راي اخر؟
