عواكيس
* الاخ العزيز معوكس: ليش عدنان المعيبد صرح ان اتحاد كرة القدم السعودي يهمه كثيرا وجود سواريز في المباراه الوديه مع الاوروغواي علي الرغم من ايقافه، وعدم مشاركته يعني تخفيض المبلغ المالي؟
* الحبيب معوكس وش السالفه.. يقولون وكيل اعمال مراد دلهوم غيّر اقواله.. يمكن الرجال قال (خيره) نقول كلام ثاني؟
- عادي .. كل شيء في الدنيا يتغير حتي البيانات!
* الصديق معوكس وش ذا البرامج التعيسه التي تمثل قمه التعصب والتخلف في ان واحد.. من المسؤول عن اللي جالس يصير؟
- اللي جالس في النص!
* الكاتب الساخر ابو العواكيس متي شعرت ان الرياضه بحاجه الي تدخل سريع.. وهل عندك استعداد للعمل في احد اللجان لو عرض عليك.. لو متحدث رسمي؟
- ماينفع الا القضاء السريع علي كل اللي همهم فرقهم والحاق الضرر بالمنافسين!
* صديق القراء يوم الجمعه سابقا والسبت حالياً.. معوكس ما تتفق معي ان (دربي القصيم) صار اشهر من (دربي الرياض) بين الهلال والنصر و(دربي جده) بين الاهلي والاتحاد؟
- اشهر باسعار التذاكر اللي كنها تذاكر مباره الريال والبرشا.. والنتيجه يخلف الله!
* صاحب الدم الخفيف ابو العواكيس.. ياخي عجزنا نعرف.. اللجان مره يردون علي بعض القضايا ومره (سكتم بكتم).. ليش الانديه عندهم ماهي سواسيه؟
- الرد الي وحسب الريموت!
* حبيب الجميع ابو العواكيس وش تتوقع تحقق المنتخبات السعوديه في الدوره الاسيويه.. وعساك تبي تحضر الدوره.. خلنا نتفاءل فيك؟
- وين احضر معه وانا ماعندي تاشيره "شنقن" احسن لي اشنقل في ملحقنا!
* الاستاذ معوكس قل لنا عساك راضٍ عن عمل اللجان.. ماتشوف ان الاحترافيه بدت تهطل علي الرياضه لدينا؟
- اما احترافيه كثر منها لا ويقولون بلاتر وده باستنساخها في (الفيفا)!
* زعيم الكتاب معوكس ما تلاحظ ان لجنه المنشطات عقب اللي صار للسعيد (لاحس ولاخبر).. شكلهم يقولون العمر ياشامان؟
- بالنسبه للموسم الماضي كان عندهم تفرغ اكاديمي رباعي!
قاهرهم وحابس دمهم ابوالعواكيس: المثل اللي يقول طبخك يالرفله وكليه من ينطبق عليه؟
-علي اللي توهقوا برئيس اللجنه وغرد وجاب العيد!
* صاحب المليون رساله ابوالعواكيس لك في التقنيه ودي اسالك وش رايك بحفل تدشين الاعلان عن ايفون 6 عقبال ماتدشن موقعك علي التويتر؟
- اقول الله يعينهم علي ذا السر اللي كنه علي خباز التميس اللي بحارتنا!
* الاشهر والاملح معوكس معقوله فيه لاعب منتخب مرر سبعين تمريره خطا ظنك وش يبي؟
- يبي دوره بالاجازات بعد الحارس والمهاجم!
* الغالي معوكس اشوف نادي محترف الهلال الروماني بينتلي شاب علي الاداره شكاوي معقوله ماسددوا مستحقاته مايخافون من الفيفا؟