عواكيس
* العزيز معوكس باختصار وش قصة عبدالعزيز الدوسري مع الاتفاق، ولو كنت نصراوي تتوقع يجيك النوم وباقي ساعات على المباراة وتكون بطل للدوري بعد غياب اعوام طويلة؟
- قصته مع الاتفاق قاعد.. قاعد لوينزل الفريق جنب الثقبة!
* تحياتي يابو العواكيس اشوف البعض يطالبون القروني باللعب محليا في الرديف من اجل الآسيوية، معقولة صاروا يغارون على (عميد الالقاب).. وش القصة؟
- لو الفريق المقابل غير ولعب القروني بالرديف جاه خطاب طي قيد بدل لفت نظر ابونخاع!
* لك تحياتي وتقديري ياشيخ معوكس.. هل انت من اللي يحبون ان تأتي قبل اسمهم كلمة (شيخ) ام انك رجل عصامي ورياضي لا تحب الفشخرة؟
- الفشخرة والبهرجة وعشق الاضواء دورها عند بعض الناس!
* حياك الله يامعوكس في بيتك (زاوية عواكيس)، اما سؤالي فهو ما الذي يحدث اداريا في الهلال.. ومتى تروح الفوضى؟
- تروح إذا فرمت اداريا وفنيا!
* الاخ معوكس ما الذي تفهمه من الزوبعة حول تدريب خالد القروني للاتحاد.. ومن المستفيد والمتضرر؟
- بكرا على خير تعرف المستفيد يابو احمد!
* لماذا يامعوكس ما تظهر لنا عبر برنامج عشرة على واحد.. عشان نشوف لأول مرة على الهواء.. وترى الدعوى ما تبي شيء كلها طمرة وحدة لبرج التلفزيون وشوي وانت عندهم؟
-لا يمكن ومستحيل أظهر والدعوى كل من هب ودب من المشجعين المتعصبين!
* ما الذي يحدث يامعوكس في الغرف المظلمة.. يقولون ما فيه الا احتجاز وتهديد بالضرب.. وين اصحاب القرار من تشويه الرياضة؟
- اقول الله يرحم الحال هو فيه قرار والا أصحابه!
* لماذا يامعوكس لم نشاهد جماهير الاتحاد في الدوحة امام لخويا.. عسى المانع خير؟
- يكفي مطامر ذا المتسولين اللي رجعوا للسمسرة والشحاذة!
* تتوقع يا معوكس التحكيم رايح يضبط في الجولات الجاية وما يكون فيه عثرات؟
- ما ظنتي وبعدين وش الفايدة الدفع الرباعي خلصها من بدري!
* العزيز ابو العواكيس ما الذي تقرأه حول مستقبل الرياضة، وهل هناك علاج ممكن للفوضى الحالية!
-لنا سنين ننتظر العلاج وما شفنا الا مبررات ووعود كلها وهم!
* قاهرهم وحابس دمهم ابوالعواكيس: تكفى ياصديقي توسط لي ووصلي رسالة لرئيس الهلال مضمونها وش طريقتهم الرهيبة بتجديد العقود أشوف الدعوى أعجاب وحب وعاطفة وين اللجنة الفنية اللي تقيم صح والدليل عقد عبدالعزيز الدوسري اللي غلط في قيمته وتوقيته؟
