عواكيس
* السيد معوكس: ماذا لايتم اعاده نظام كاس الخليج اللعب من دور واحد بدلا من نظام المجموعات وبودي لويتم تكريم لاعبين لهم ذكري مع البطوله جاسم يعقوب ومنصور مفتاح وعادل الطلياني وحمود سلطان ويونس أمان وماجد عبدالله والنمر يوسف الثنيان؟
- الجايه يلعبون من دبلكس وملحق خارجي!
*عزيزي معوكس: من هو افضل محلل فني تراه ابو العواكيس واقعي ولاتؤثر عليه عاطفته ومبدع في الشرح والوصف علي السبوره مثل مايسوي الشنيف وعبدالجواد؟
- ومثل ماسوي هزازي وبغت السبوره تطيح علي راسه!
*المبدع الفنان ابوالعواكيس: معقوله اخوك قول علي قول كذا يسوي بكابتن العرب والسعوديه الغالي ابوفهد يومه يقول المشاكل كلها مشتاقه؟
- اقول كل شي عاد الا ابوفهد اللي المشاكل تشتاق لغيره وشكلك فهمت غلط يابوعليان!
* صاحب المليون رساله ابوالعواكيس: ودي تجاوبني بصراحه ومن خلال خبرتك وشلون سافر ابراهيم غالب واصبعه مكسور انا ما اصدق انه غادر علي ذا الحال؟
- يعني وش رايك سافر بدون اصبع ولاخلاه في العريجاء والله يستر لا يسوونه شاورما!
*قاهرهم وحابس دمهم ابوالعواكيس: تتوقع الهلال يتحسن وضعه بعد التوقف ويرجع للمنافسه لان المستوي لك عليه والدكه اه يالدكه ماودي اكمل؟
*الناقد الساخر معوكس: انا اقول ان الكابتن ناصر الشمراني اخطا يوم حط عقله بعقل مشجع متعصب لكن وش ذا الفرحه من بعض الاعلاميين اللي طالبوا بمعاقبه الشمراني ونسوا الفعل والبادي يعني ماعندهم مشكله لوخسر المنتخب اللقب القاري؟
- صدقني ماعندهم مشكله ولافكروا فيه وماصدقوا لقوا خطا ولو انه لاعب في فريقهم قالوا بسيطه وماكان يقصد!
*الاملح والاجمل عكوسي: اشوف بعض الناس حركات ومخيمات والله لايوريك اعلاميين مشجعين واداريين وخذ ياتخطيط وهمهم الفريق البطل واسقاطه تتوقع ينجحون؟
*عزيزي معوكس: ودي اسالك انت تتابع المسلسلات التركيه وتنسجم معها وودك انك مهند خاصه انه وسيم ووينه ووينك انت واقلامتك ونظارتك؟
- انا عند نفسي اني اوسم من مهند وماينافسني الا يحيي عاشق لميس!
