برعاية

عواكيس

عواكيس

    * صحيح يامعوكس ان استراليا وكوريا الجنوبية واليابان هربوا من مواجهة المنتخب السعودي في نهائيات اسيا 2015؟

- ذكرتني بتصريح الجوهر يومه يقول حظ الالمان رمتهم القرعة مع (الاخضر) وآخرتها اندبغنا ثمانية!

* الاستاذ ابو العواكيس هل صحيح ان الادارة ستضع سامي كبش فداء عشان تستمر فترة اطول في الكرسي؟

- الجميع كبش فداء حتى الجماهير المغلوبة على امرها ..أهم شيء يستمرون!

* تحياتي يامعوكس لك ولأسرتك وأهل دريتك وياليت تفيدنا عن مصير خصخصة الاندية وهل هناك (أمل) لاعتمادها؟

- لا أمل ولا نوال.. الموضوع ومافيه ضحك على الذقون ودغدغة لمشاعر الجماهير بالاحلام وردد يا ليل ما اطولك!

* الحبيب معوكس ياكثر مايهدد ويتوعد بعض رؤساء واعضاء اللجان بعض الاندية واللاعبين والاداريين.. ويصمتون امام بعضها.. برأيك ليش؟

كل اللجان اللي حلت والاعضاء اللي انفصلوا وتقول ليش.. عموما من خاف سلم وخل الناس تعيش؟

* هل صحيح ياستاذ معوكس ان بلاتر معجب بالدوري السعودي وانه ما ينام (حسب فارق التوقيت) عشان يشوف المباريات عندنا؟

- يمكن اعجبه (الدفع الرباعي) وناوي يطبقه في المونديال!

* الى ترجمان الامة الرياضية ابو العواكيس وش ناقصك عشان تصير رئيس او عضو لجنة او سكرتير؟

- ناقصني قريب يدزني عبر اتصال وأوعدك باقتحام أهم وأخطر لجنة!

* الاستاذ معوكس نقول لادارة الهلال شكرا على التجديد مع الدوسري وعقبال التجديد مع بقية النجوم؟

- ماقصروا نفضوا كل الميزانية.. وبالنهاية لقيتك ياعبدالمعين تنعان!

* البروفسور معوكس افدنا عن تجاوزات بعض اللاعبين .. ليش تصمت اللجان امامها ومايقولون شيء .. خوف والا تعاطف والا عدم اهتمام بتطبيق القانون؟

- جميع ماذكرت يأخ سعد وأهم شيء يفرح (حبيب القلب)!

* الاخ العزيز معوكس صحيح انك في كل مجلس تنفي ميولك.. خلك شجاع وقل الحقيقة ولا تخاف؟

- انا ما اخاف والدليل اني ادعم فريقي من يوم كنت صغيّر قدام الناس ووسائل الاعلام!

* لاهنت ياصديق الجميع ابو العواكيس.. كيف قرأت بيان امين صندوق نادي الاتحاد.. وهل لامس الحقائق وكشف المستور؟

- ماهو بس لامس الا كشف (بلاوي).. وحنا بالمدرج نتفرج!

* الى عنتر زمانه معوكس كيف تشاهد مستوى الهلال.. وهل تعتقد انه سيتعدى الى الدور الثاني في دوري ابطال اسيا؟

المشجع المصداوي فهد عبدالله- الدوادمي

- بهالمستوى اللي يرقل مارايح يتعدى فريقك!

* دكتور الاعلام الرياضي معوكس وش اسوأ شيء في مدرب المنتخب لوبيز حتى يفكرون بتغييره؟

الخبر بالكامل
رأيك يهمنا